కస్తూర్బా పాఠశాలలో వేడినీళ్ల ప్రమాదం!

నిత్యం నిఘా ,(వర్ధన్నపేట/ ఇల్లంద):.

వంట సిబ్బందిపై ఒక్కసారిగా వేడినీళ్లు.. తీవ్ర గాయాలు

ఇల్లంద కస్తూర్బా పాఠశాలలో ఘటన.. హుటాహుటిన ఆసుపత్రికి తరలింపు

ఇల్లందలోని కస్తూర్బా గాంధీ బాలికల పాఠశాలలో వంట సిబ్బందికి అనుకోని ప్రమాదం చోటుచేసుకుంది. వంట పనులు నిర్వహిస్తున్న సమయంలో విజయలక్ష్మిపై ప్రమాదవశాత్తు వేడినీళ్లు పడటంతో ఆమె తీవ్రంగా గాయపడినట్లు సమాచారం. దీంతో పాఠశాలలో ఒక్కసారిగా కలకలం నెలకొంది.

వేడినీళ్లు పడటంతో గాయపడిన విజయలక్ష్మిని తోటి సిబ్బంది వెంటనే ఆసుపత్రికి తరలించారు. ప్రస్తుతం ఆమెకు వైద్యులు చికిత్స అందిస్తున్నట్లు సమాచారం.

— ప్రమాదానికి కారణమేంటి?

వంటగదిలో వేడినీళ్లు పడిన ఘటనకు గల పూర్తి కారణాలు ఇంకా తెలియాల్సి ఉంది. ప్రమాదం ఏ విధంగా జరిగిందనే విషయంపై పాఠశాల సిబ్బంది వివరాలు సేకరిస్తున్నట్లు తెలుస్తోంది. వంటగదిలో భద్రతా చర్యలు ఏ మేరకు ఉన్నాయి? వేడినీళ్లను నిర్వహించే సమయంలో అవసరమైన జాగ్రత్తలు తీసుకున్నారా? అనే అంశాలు ప్రశ్నార్థకంగా మారాయి.

విద్యార్థులకు ప్రతిరోజూ భోజనం సిద్ధం చేసే వంటగదుల్లో భద్రతా ప్రమాణాలను కచ్చితంగా పాటించేలా అధికారులు చర్యలు తీసుకోవాలని పలువురు కోరుతున్నారు. ఇలాంటి ఘటనలు పునరావృతం కాకుండా వంటగదుల భద్రతపై ప్రత్యేక తనిఖీలు నిర్వహించాల్సిన అవసరం ఉందని అభిప్రాయపడుతున్నారు.